قناص يوم للقنص أزدحامي .. أهداء لياسر من نصراوي
مــقــدمـــه :
هــــذي المشاعر صاغهـا نصراوي ........... ماهو هــلالي ولاهو بـقـحطاني
ماضـايـقه يـاكـود هــرج الـراوي .......... اللي يـــسمّى مــتعب الشهـراني
ثم جــرّ مــن هـو بالفتـن مـاياوي .......... الله يعـــافـــيـهـــم ولايـبـــلانـي
أمّـــا بـعـد :
/
\
ياهل التعصب ياصغار الأسـامي
%%%% ياهل الشماته مكثرين الأقاويــــل
/
\
اللي جروحـه مالها ألتئـامـي؟؟
%%%% ياجعله النكبه وياجعله السيـــــل
/
\
اللي بنادقهم في كل المرامـي
%%%% من عقب ماحطوّا عليها درابيــل
/
\
ونادوا عليها مثل فرقة ميـامي
%%%% ماهمّهم ياكود هـرج التفاصيـل
/
\
اعلومكـم ماتسـوى واحـد جرامـي
%%%% ياللي تبا ترقون للجدي وسهيـل
/
\
الستر مثل النور يجلى الـظـلامي
%%%% هرج الشريعه ماهـو هرج المواويل
/
\
واللي خلقه الله رفيع المـقـامـي
%%%% يشوم نفسه عن كلام المهابيـــــل
/
\
دام البنادم في زمـانه يضـامــي
%%%% لايـامن الايـام ولايامــن الميــل
/
\
ويحسب حسابه لو بـلاه " الرسـامي
%%%% وجته المصايب فالجمال المحاميل
/
\
تضرب مثل ضرب النبل والسهامي
%%%% ويغنّي ياليل الشقى والبهاذيـل
/
\
ياسر بشر ماهو برجل ً عصامي
%%%% اعن الخطا والضعف والقال والقـيل
/
\
ياسـر ، صقر ماهوب فرخ الحمامي
%%%% يارد على جم ً قراح ً كما النيــل
/
\
ياسر ، ماهو بارهـابي ولّا حـرامـي
%%%% ولاهمّـه اللي بالخلا يشعب الفيـل
/
\
ياسـر ، مـاهو متعثـر ً وانهـزامي
%%%% على مقاسيم الزمن والغرابيـل
/
\
قنّــاص يومً للقنــَص ازدحـــامي
%%%%راعي سمان ولاهو راعي مهازييـل
/
\
يكفيـه نيــل أغـلـى الـرهن والوسامي
%%%% في يـوم مشـهـود ً بجني المحاصيـل
/
\
له أبلغ التـــقـدير والأحــتـرامي
%%%% من شاعر ً صبّ الشعر فالفـنـاجيـل
وسلامتكم جيمعا ً ،،
خــاتـمـه :
( من ستر الله على مسلم ستر الله عليه يوم القيامه )