أه من قلب(ن) به الحبل مَعْقودي = من ثمان اشهور مانيب حلاَلا
أتصبَر مير للصبر مجهودي = أنتهى المجهود ماحلَ الاحبالا
العمر ينقص وماهوب بيزودي = الاجل محدود حتى ايش لو طالا
عارف(ن) بالموت الانسان موعودي = وادري الرَزاق رحمان متعالا
عايش(ن) يومي وبالحظ مَقرودي = شلت حظي يوم للغير شيَالا
ناس مثلي وناس(ن) احظوظها اتجودي = كم بليد(ن) جاد حظه وله شالا
العرب فيهم حسودٍ.. ومَحْسودي = وابهم الواضح بصدقه// وحيَالا
قاطعين الدرب بالطيب والجودي = ماتمايلناه ..واللاش ميَالا
يوم غيري عابر اسهود وامهودي = اعترض دربي مشاكل وغربالا
أسهر إليا ماتوا النَاس برقودي = ارقب النجمات وحدي وبلحالا
ماينام اللي حسب كل منقودي = خايف(ن) يَلحَقه منقود الارجالا
يرقد المسطول والقلب بلَودي = لا حشا ماهوب للهمَ حمَالا
مايهمَه غير دنياه عربودي = عابد الشهوه وعبَاد الاموالا
ضاق صدري باح قلبي من اسدودي = بعد طول الصمت بيَحت ماجالا
جال وصال ابداخلي خيل واجنودي = صوت خيل(ن) تصهل.. وصرخ خيَالا
صفق سيف // ورجف شعلة وبارودي = وعج جيش(ن) في هجوسي وزلزالا
ماخبرنا الذيب يمشي مع اقرودي = ماعرفنا الذل في قلب الابطالا
حدَني وقتي وبالحزن محدودي = قد تمكن من فؤادي منه نالا
عفت جمع النَاس طيَب وحقَودي= ارتئيت العيش في روس الاجبالا
صد عن ناس(ن) خرب طبعها ازيودي = ماتعرف العمَ والجد والخالا
افضل امن امقابل اقليَل الفودي = ضربها الاخطار والذل ينزالا
وخير لي الموت في ساح الافهودي = من مكوثي وسط روضات الانذالا
قلتها والحبل فالقلب معقودي=من عقد ذا الحبل ماهوب حلاَلا