ألواد كبر قوام زوجوه = جاكم عريس لبنتكم لا تردوه
أسالوا عن أخلاقه وشوفوه = وياهوه لا تغلو المهور وساعدوه
بأول حياته يحتاج تساندوه = أثاث بيت وإيجار يغموه
كلامي هذا للي يحبه = يتمنوله السعادة ودائما يدعموه
ادعوله بالزوجة الصالحة وفرحوه = وكمان بالرزق الحلال انصحوه
لا يسهر مع أصحابه راقبوه = ادعوله بالهداية والصلاح وفهموه
الشحط ماتقدرو عليه تحكموه = من صغره امصعوا أذنه أدبوه
معقوله عقد القران يفسخوه = هو لعبة والمهر يسترجعوه
راعو بنت الناس وخطوه = ماهي لعبه يرميها لا توافقوه
علي الدشره يا هوه لا تولفوه = الزفاف الزواج صعب تهدموه
بالكلام بالنصيحة اقرصو وعقلوه = لا يصير هرجه والناس يشرشحوه
لما يخطب عن طليقته يسالوه = ليش سابها وبعضهم يكرشوه
ماعندنا بنات تطلق وما يعطوه = المطلقه يحشوها والمطلق يحشوه
البنت المطلقه تقاسي وعوه = الطلاق ابغض الحلال لا يرتكبوه
ولدكم من رقبته اسحبوه = يصالح زوجته ويردها واشكموه
شعر راس البنت لا تفكوه = جروها لبيت جوزها وانصحوه
بالنصيحة بالكلام اعموها واعموه = العشره سياسه والخلاف لا يذيعوه

==============
هيه مين هم الافاعي = امه ابوه اهله وماتراعي
عيب تقوليها ماله داعي = لا يسمموا افكارك وتطلقي بالنهايه
لا تقول علي امها حربايه = عيب الكلام دا يصل اسماعي
الاب الام يا واعيه ويا واعي = لهم حقوق ادوها بالمساعي
صلتكم بالاهل بالارحام لا تقطعوها = وخليك اجتماعيه وخليك اجتماعي
برو بالوالدين تفلحوا واوضاعي = لفضلهم احمده فهم ساسي وقاعي
بالحلمنتيشي بالمكاوي وبكل اقتناعي = نصائحي بحتها سطرتها بابداعي