ياراس مال المولّع كيف اخاطر بك = و انا الخطر يارصيدي يعترض دربي
وشلون من معمعة هالواقع اعبر بك=و اكبر طموحات حسادي تشهّر بي
اخترت بعدك و انا ميّت على قربك =من شان عين الحسد ماعاد تنظر بي
و ليا انطوى نصف ليلي قمت افكر بك=و قام يتوافد بي الحزن و تجمهربي
اغفاك ياحلمي المأمول و اسهر بك=و اشوف شرقك بعيد عن جهة غربي
يفرد خيالي جناحينه و اسافر بك=ياكوني اللي احتويته لين سافربي
اسرح و تاخذني اشواقي على دربك=و يدني بك الحلم و اتحسسك في قربي
يزورني طيفك الولهان و اشعربك=و احس دقة خفوقك يوم فكر بي
يابحر ابي ارمي متاع العمر و ابحر بك=انت اوكسجيني على زادي على شربي
قلبي هجر داخل ضلوعي و هاجر بك=يامهجر القلب خذ كلّي و هاجر بي
ياحلمي اللي رجيت بوقتي المربك=الوقت ليبي و حلمي طفل لوكربي
صعب اتنازل لحسادي و اخاطر بك=بس الاكيد ان وجهك منتهى دربي