تسألوني من هو اللي دايمٍ أقول وينه ؟!
يا هو , يا عرب كثر الحكي ماله بيننا داعي 00
تسألوني منهو اللي دايمٍ أقول وينه ؟ !!
هذاك اللي لا شفت زوله قمت أهلي 00
هذاك اللي عيونه لا ناظرت عيني أخجل و ما أملي 00
هذاك اللي لا نده لي قلت : لبيه 00
أنت تامر , وأنا علي السمع والطاعه 00
هذاك اللي برضاه يرضى ربي عليه 00
هذاك اللي لا شاف زولي , إبتسم لي 00
هذاك اللي لا أقبل علي وقال :
مسيك بالخير , ياااالله كل همي يولي 00
أقول أحبه , كل ساعه وكل دقيقه وكل ثانيه 00
وان حصل بين الثواني وقت , بقول أحبه 00
أكررها بيني وبين نفسي , أسلي بها خاطري 00
وهو بالإحساس إحسها , وعنده خبر فيها 00
وأدري , يبي يسمعها من قلب عاشق , عليه بالحيل متلهف 00
بس والله يا عرب صعبه , نطق كلمة أحبك00
أحبه , بس مقدر وأستحي بصوت عالي أنطقها 00
يمكن بالغصب أقدر أهمسها 00
******
هو عمري اللي تشرق سنيني بوجوده 00
هو بعد روح روح روحي , هو بعد كل غالي 00
أرخص الدنيا لاجل خاطر عيونه 00
لو تضيق الدنيا فيني ما همني , دامه علي راضي 00
بس وجوده , لا إحساسي بوجوده يطمئن قلبي و ما أحاتي 00
ربي له هداني , وايضا لي هداه ربي 00
******
أنا لي قانون في حبي 00
ما استمع هرج العواذل , لو يجيبوا كل الدلايل والبراهين 00
ما أحكم على حبي من هرج عاذل 00
وإن طرى لي شك في خلي , أجي وأقول صارحني 00
هذا هو الموضوع إشرح لي وفهمني 00
يبدي لي أسبابه واتقبل أعذاره وينتهي الموضوع في لحظه 00
المحبه ثقه بين المحبوب ومحبوبه 00
وما كل العرب في النصح صافية نيه 00
******
إسمعوا ياعرب , انا ما عدت الصبر عنه أقواه 00
في وجوده في غيابه ما يجي يوم أسلاه 00
انكتب لي باللوح أعيش بحماه 00
وان حكم فينا الزمن يبتعد في يوم لقياه ؟
أنا أنتظر يوم مسراه 00
ويجي الخبر لابد في يوم بشراه 00
ويفرح القلب في جية حبيبه لمرباه 00
وبالتأكيد بأصرخ وأقول لكم :
يا نااااس , وش تبغون منا ؟
غضوا النظر عنا 00
اليوم عمري يعود , تكفون كفو شركم عنا 0
بقلمي أختكم : غـلا 0
02-15-2009, 12:18 AM
تعليمات المشاركة
العرض العادي
