تزايدتي بصدش ثم شكيتي عاذلي صدي=بديتي في عذاريبي ولا شفتي عذاريبش
من اول كان ودي بش وأحبش حب من جدي=ومدام أنش تغيرتي فلالش بي ولالي بش
أدور رضاش والا ضقتي فذا حدي=ومن يوم خنتي دعيت الله يباصربش
بشوف لي غيرش واذا متي فمعا جدي=وبادوج في الدنيا الوسيعه وأغني بش
وترى اذا ودش بفرقاي فهو ودي=وبافرح الا رحتي وباقفل أبوابش
وباجمع اغراضش وانفض ثوبي بيدي=روحي عسا مايردش وايش يبغا بش
وبأنسدح وباحط كوعي تحت خدي=وباجر صوتن يجعل الناس تدري بش
هذا وانا حمد واسمي باسم جدي=اللي تعرفينه يوم قلبي على قلبش
شيلي ثيابش وتكفين اتركي يدي=ولاعاد دربي اليوم ياتي على دربش
ترى بلبنان قالوا وحياة الله مابدي=تساوي بقولتنا أنا مبغاش وايش لي بش
خذيتني بغفله في ودادش ولا ودي=وبرتي في حمد وهوقد كان ميت بش