:050103nbh_prv:السلام عليكم ورحمة الله وبركاته
بصراحة شي مؤسف للي حصل لياسر
ما أقصد قضية ياسر لا لا
أقصد الشعب السعودي اللي للأسف أكل لحم ياسر وهو حي
من فينا مايغلط ؟ هذا إذا ياسر فعلا غلط والقضيه صحيح
عموما
لاحظت أن أغلب الناس قام يزيد على السالفة ويرسلها لغيره يزعم انه جاب شي جديد
وحقق إنجاز في حياته
ياجماعة ..... الله سبحانه وتعالى أمر بالستر
والستر من حق الجميع .... مشاهير وغيرهم
المفروض كلنا نوقف مع ياسر بهذا الوقت مو نوقف بضده
ياسر قدم لكم بطولات وياما رسم الضحكة على وجوهكم
أنا أحب اهديكم قصيدة وأتمنى الرسالة توصل للجميع
القصيدة
تكرم عن العيبة ويكرم شاربك يابوسعيد
يبطون ياوجه محلف ربع النمايم والكلام
ماني هلالي لا ولا مع النصر والا العميد
يامي وتاخذني الحميا للقحاطين الحشام
من روس قوم مالها في ( قال زايد قال زيد )
فينا عقول تميز الشاهين من فرخ النعام
حتى لو إن العلم صدق أقولها عبر القصيد
كبوة جواد وكلنا نخطي ياعمي والسلام
لا منت بالأول ولا الآخر ولا أنت الوحيد
كل آدمي يخطي ويتعلم عدا خير الأنام
الواجب نوقف مع المخطي ولا نقعد نعيد
أخطاءة ونقعد نشهر به ونكسب بة أثام
يعني نسو (القناص) يومه للبلد دايم يصيد
قدمت لبلادك فرح وامجاد يا راعي السهام
يا(ياسر) الموضوع ماهو (منهو إللي مستفيد؟)
ولاهي بقصة رياضة أو تصاريح وملام
السالفة وشلون ينسى المسلم العلم الأكيد
بأن دم المسلم المؤمن على المسلم حرام
تناقلوا هالسالفة عبر المواقع والبريد
كلن يزيد شوي من عنده ويرسلها قيام
أنجاس يجري في عروق أجسامهم قيح وصديد
هذي وصوف إللي يدنس عرض عالين المقام
تكرم وتكرم لابتك قحطان والمجد التليد
يشهد بأنكم ياولاد مظيم قوم(ن) ماتظام
العز منكم زاد عز وفي ذراكم يستزيد
ما الله خلق فيكم سفية ولا جبان ولا هلام
قل (حسبي الله) واترك الباقي على رب العبيد
وإسلم وسلم لي على ربعك بإسم صبيان يام
الكلام في الأعلى للشاعر الكبير محمد بن عويضه وهو من طلب بنشر الموضوع بالمنتديات
الله يجزيه الخير
منقووول
04-02-2009, 03:54 AM
إلى كل من يتهم ياسر
تعليمات المشاركة
العرض العادي
