[ بـنـتــــ الصـحـن ـ تـفضلـوا حـيـاكـم الله ]
بسم الله الرحمن الرحيم
أهلاً بكم أحبابنا زوار مطبخنا الشامل
وشهركم مبارك وكل عام وأنتم بخير
طبقنا لهذا اليوم هو عبارة عن
( بنت الصحن )
الطريقة والمقادير
كوب سمن سخنيه على النار وخليه على جنب
3 كاسات دقيق انخليه وحطيه في وعاء العجن
أضيفي للدقيق 2 بيض + شوية ملح + ملعقة خميرة فورية + كأس ماء دافي نوعا ما
( ممكن تضيفي أو تنقصي الماء لما تصير عندك عجينة متماسكة لينة )
تعجني المقادير ماعدا السمن ولما تبدأ تتكون لك عجينة متماسكة
الحين تجيبي السمن اللي سخنتيه ويكون لسه دافي شويه تاخذي بالملعقة وتضيفيه عالعجين وتعجني كوييس وتضيفي ملعقه ثانية وتعجني لين تضيفي حوالي خمس إلى سبع معالق كبيره وتعجني كويس لين تتكون لك عجينه ملساااء لينة
الحين تغطيها وتخليها ترتاح من عشر الى خمسة عشر دقيقة وترجعي تقسميها كور صغيرة حوالي 15 كورة بحجم البيضة أو أصغر وتحطيها فوق صحن مدهون بالسمن أو مرشوش بالدقيق
المهم بعد ما تكوريها تاخذي أول واحدة كورتيها وتفرديها بيدك لين تصير رقيقة شفافة
بعد مانفرد العجينة نجهز الصحن اللي بنسويه فيها وندهنه بالسمن الجامد عشان ماتنزلق القطع .. نحط العجينة اللي فردناها ونثبتها كويس على أطراف الصحن من الداخل ونرشها بشوية سمنة من اللي سيحناها ونسوي نفس الطريقة في الكورة التانية ونحطها فوق اللي قبلها وهكذا وممكن مابين 3 طبقات نرش شوية حبة البركة والسمنة وهكذا إلى أن تنتهي من الكمية
وبعد ماتنتهي من الطبقات ندهن الوجه بالحليب ونرش حبة البركة وشوية سمنة بلدي ..
نغطيها ونسخن الفرن لين يسخن
نحطها إلى أن تستوي وتحمر ترجعي تسخنيها من الأعلى
إلحين بعد ما طلعتيها من الفرن قطعيها ورشي عليها العسل وقدميها وأحلى شيء تؤكل ساخنة
صحة وعافية
منقول بتصرف مِتعب
08-25-2009, 08:00 AM
تعليمات المشاركة
العرض العادي
