وش بقى ....كل شي كتبتهـــ ......!
حبيبتي
وش بقى
بعد من كلام العشاق
ومانكتب
وش بقى
من حروف الغرام
ومانرسم
وش بقى من مشاعر
وش بقى من شوق
عارفه حبيبتي
ساعات احير مع نفسي
كيف أوصفك
كيف أكتبك
أحس بحروفي صارت قليله معك
صارت صغيره امام حبك..
/
.
/
قوليلي بربــك
وش أكتبلك
أكتب احبك
اعشقك
مجنوووونك
وش أكتب علميني
علميني يافرحة سنيني
علميني يا شوق مظنيني
علميني يا لهفة خاطري وكل حنيني
/
.
/
حبيبتي انا تلميذ وعلميني دروسي
علميني ياتاريخ معاكِ انكتب
علميني الجغرافيا وأسرار الخرائط
لجل أوصل بدون بوصلة
لقلب أم الجدايل
وأكتشف تضاريس أيامي
وأعرف تجاويف صدرك
ووصل لأعماق نفسك
/
.
/
علميني الحساب
كيف أجمع الليل والنهار وأسعدك
وكيف أطرح عمري الحاضرمعك
وأقسم سنيني مابين حبك وبيني
/
.
/
علميني حروف الهجاء
ألف... أحبك
باء ... بعد احبك
تاء ...تعالي لقلبي وشوفي مسكنك
ثاء ....ثاني وثالث وعاشرمره احبك
/
.
/
درسيني الفلسفه
وأسرار المنطق والفضيله والجمال
وكيف يجتمعون بأنسان
وهذا محال
علميني عن ابن رشد
وأرسطو واشلون كان مربعه
أيييه ....صح
كان فيه أضلوع أربعه
ضلع حب
وضلع شوق
وضلع ثالث للسهر
وضلع وصل .. لكن من عرفتك انكسر
/
.
/
علميني عن الفلك ودورات الكواكب والنجوم
عن الثريا.... نجم الشمال...
مواقع الأبراج
ابسألك...
هوصحيح لو بليله سهرتي
كل النجوم معاكِ يسهرون ؟؟
وبليل الكون كل الأقمار لجلك يضوون ؟؟
عارفه ليش يا عمري ؟؟
لأنك بإختصار حبيبتي
/
.
/
تعالي يا أبلتي
ولاتنسين النحو
علميني ياضي عيوني
ولاتمشين قدامي بزهو
ترا والله انصب الفاعل
واكسر المفعول
وأرفع المفعول به
لأن عقلي مايتحمل عيونك ويصير بحالة سهو
/
.
/
وش بقى يا عمري
التاريخ ..
صلاح الدين استرد القدس
وبن القاسم وصل لحدود الصين
وانا ماغزيت كل قلبك للحين
ولافتحت ابواب المدينة للفاتحين
لكن يكفيني وصلت لحدود مملكة قلبج
وكتبت على اسواره
أسمـي واسمك
/
.
/
علميني ياعمري
وشلون أنجح وآخذ أمتياز
وأنا مسلوب الفكر قبل القلب
وشلون أنجح وانتِ معلمتي؟؟
وأنا عندك افشل تلميذ
/
.
/
حبيبتي
امنحيني الشهاده من عذب أشفاهك
ولبسيني وسام المحبين
وظميني على صدرك وخليني
بعدها راح اكون اسعد تلميذ بمدرستك
ولو رسبت
راح اكون تلميذ من جديد
بمدرسة حبيبتي
منقوول بتصرف
سلآموووووووووو ....
01-27-2009, 09:14 PM
تعليمات المشاركة
العرض العادي
